الى المقبلين على المسابقة الشفوية * نماذج عن الاسئلة *

[fleuraعضو فعال]

[وحدهم المديرون لديهم صلاحيات معاينة هذه الصورة]
اتمنى ان تكونو جميعا بخير
اما بعد ارتابت ان اضع بين ايديكم نماذج عن اسئلة المسابقة
في البداية كان هناك مجموهة من الاوراق و على كل واحد ان يختار ورقة و انت و زهرك
اما الاسئلة فكانت كالتالي:
لخص لنا اخر كتاب او فقرة قرتها قبل مجيئك
كيف تقضي اوقات فراغك
ما هو الضمير المهني
ماهي اساسيات الالتحاق بمدرسة التكوين الشبه طبي
ما هي الجرائم و ماهي مسبباتها الرئيسية
ماهو اخطر مرض في نظرك و لمادا
هل تعرف مدرسة التكوين الشبه طبي؟؟ و عليك بالشرح كدكر التخصصات
عرف الثورة الجزائرية
ما رايك في التبرع بالاعضاء
اضافة لشرح بعض الكلمات من الفرنسية للعربية او طلب ترجمة الكلمة للغة الانجليزية
كما هناك اسئلة مشتركة تتمثل في سبب اختيارك لهدا التكوين و هل تعرف احدا ينتمي للتخصص الدي اخترته و ادا سالته عنه

ملاحظة: اللغة الفرنسية مطلوبة

لا تنسونا من دعائكم

[وحدهم المديرون لديهم صلاحيات معاينة هذه الصورة]

[KAWTHAR B.Aعضو مشارك]

شكرا اخت فلورا بصح راكي خوفتيني بزاف

[idesalimعضو مطرود]

كل شيء سهل
و مكانش شيء إسمو صعب
هدا المبدأ لي لازم نعيشو بيه في الحياة
أختي كوثر

[fleuraعضو فعال]

لالا اختي ما تخافيش ديري كيفي ههههههه مبتسمة من كي دخلت و قابلتهم توكلي برك على ربي و الي فيه الخير يصيبك
و الاخ سليم عندو الحق اهم شيئ الارادة و العزيمة

[KAWTHAR B.Aعضو مشارك]

شكرا على الدعم

[idesalimعضو مطرود]

هدا واجبنا

[KAWTHAR B.Aعضو مشارك]

انا سقسيت لي فوتو اليوم وقالولي سقساونا علاه خيرتو الشبه طبي 2 /قداه عندك خاوتك 3/وش يخدم بباك ويماك 3/وهدروا على رواحكم بصح بالفرونسي 4/وعطاولهم كلمات ترجموهم للفرونسي

[سجايا الروحعضو فضي]

شكرا أختي على هذه الأسئلة بصراحة أنا متوترة قليلا لأن المسابقة غدا لكنني سأثبت وسأجيب بصراحة وبجرأة لأنني واثقة من نفسي ومن اختياري لا تنسونا من خالص دعائكم

[KAWTHAR B.Aعضو مشارك]

توكلي على ربي ومتخافيش

[yacinehadjouعضو دهبي]

ربي يوفقكم و بلعقل برك تعودو تموتو قبل الاختبار

[fleuraعضو فعال]

صح عندك الحق اختي كوثر هادو الاسئلة طرحوهم ليوم و لكن على الي في الغرب و حنا في قسنطينة هادو هوما اسئلتنا

لا يا سجايا الروح و لو فوتي الباك كامل درك تخافي من مسابقة ؟؟؟ اهم شي تحافظي على تركيزك و توثقي بنفسك و صدقيني تفوت و تكوني بادن الله من الناجحين
لالا اخي ياسين واش يموتو ؟؟؟ رايحين يفوتو المسابقة على احسن حال و رايحين ننجحو كامل بادن الله

[yacinehadjouعضو دهبي]

نتمنالكم النجاح ان شاء الله

[fleuraعضو فعال]

آمين يا رب
شكرا جزيلا لك

[Adminخادم أعضاء منتديات "الشفاء"]

السلام عليكم

شكرا أختي fleura على الموضوع المفيد وعلى المشاركات الرائعة من طرف الأعضاء ..

نتمنى التوفيق لكم جميعا فقط ثقو بأنفسكم كثيرا ..

[fleuraعضو فعال]

و عليكم و السلام و رحمة الله و لا شكر على واجب بالعكس الشكر لكم

[nouraعضو برونزي]

شكرا أختي فلورا

[idesalimعضو مطرود]

بالتوفيق أن شاء الله

[fleuraعضو فعال]

العفو
شكرا لكما على المرور نورا و سليم

[سمرةعضو جديد]

السلام عليكم كيف حلكم
البارح عكبت المسابقة (مقابلة) عطونا ورقة الرغابات بالعربية و تختار اختياريين وبعد يعيطو بالاسماء بزوج وسئلوني على الاسم و العام لديت فيه الباك و المعدل تاعوا وسائلوني علاش اخترتي قابلة ومن قبل وشدرتي خطراكش انا ديت الباك 2004 و كان تخصص السابق الرياضيات سئلوني على هداالتخصص فقط وكان يسئلوني بالعربية وكنت جاوب على الاسئلتهم برتياح وسئلوني على مهنة ابي
البارح كنت نحاول نكتب وش صار في المسابقة باش يستفيدوا الاصدقاء لكن لم استطع اعدروني

[Adminخادم أعضاء منتديات "الشفاء"]

مرحبا أختي" سمرة" .. أتمنى لك النجاح والتوفيق انشاء الله .. وشكرا على مساهمتك الرائعة .. بارك الله فيك .

[fleuraعضو فعال]

و عليكم و السلام و رحمة الله
مشكورة اختي سمرة على المشاركة القيمة و بالتوفيق

[سجايا الروحعضو فضي]

شكرا أختي فلورة شجعتيني كثير مازلت ما فوتش الكونكور لأن اختصاص التخدير يوم الأربعاء غدا إن شاء الله سأجيب بثقة وتركيز
وشكرا لجميع الأصدقاء

[KAWTHAR B.Aعضو مشارك]

سجايا راني فوت الكونكور وسقساوني علاه خيرت هدا التخصص وكلش بالعربية ماتخافيش خلاص مكان والو

[fleuraعضو فعال]

و لا شكر على واجب اختي سجايا ربي يوفقك
الحمد لله يا كوثر هههههههههه تسمى ماجات غير علينا حنا في قسنطينة

[سجايا الروحعضو فضي]

مبروك عليك يا كوثر فوتت الكونكور والعقوبة لي

[yacinehadjouعضو دهبي]

بالتوفيق ليك اخت سجايا

[سجايا الروحعضو فضي]

آمين يارب شكرا لك أخي ياسين

[zaki307عضو نشيط]

بالتوفيق للجميع

[nouraعضو برونزي]

ان شاء الله ربي يوفق الجميع
انا راني حابة بزاف نقرى براميدكال

[سمرةعضو جديد]

السلام عليكم
حب نسقسيكم كيفاش نعرف بلي قبلوني