اراء تحتاج منكم مشاركة .مواقف طلبة وعمال الشبة الطبي

[naima01مشرفة قسم أطلق العنان لقلمك]

السلام عليكم ورحمة الله وبركاته ..

أكيد عرفتوا الموضوع من العنوان ..

كلنا بالميداني <التدريب العملي> نمر بمواقف مضحكه/محرجه وكاين الي لا يمكن ننساها ومع الوقت تصير ذكرى حلوه حتى لو كانت مره
ومن خلال هالمواقف نتعلم ومع كل موقف نتعلم درس بحياتنا ..

كل الذي اريده منكم ان كل واحد فيكم يكتب لنا موقف من هالمواقف وماذا تعلّم منه ...

اوكي؟ اتفقنا؟

وياريت لو يكون قسم خاص بمواقف طلبة وعمال الشبة الطبي .ةليستفيد الجميع وتعم الفائدة أرجو من الجميع التفاعل وإبداء آراءهم ومشاركتهم

ودمتم بكامل الصحة والعافية

[ملائكة الرحمةمشرفة]

انا مرة كنت سطاج في قسم استعجالات الاطفال ايوة و والفت ديما الاطفال يبكو و انا قبل لا نمدليهم العلاج نسكتهم عاد نبدا نخدم و في مرة كنت جالسة انا و زيميلاتي جانا واحد العامل كان يحمل اكياس اسمنت و تجرح في صبعو دخل هو وزوج من صحابه و خلا قاع زميلاتي و جاني انا و قالي:اختي ممكن تصوانيله راه مجروح انا قلتله اوكي ماكانش مشكل بديت نصوانيله حطيتله ماء اوكسيجيني اولا و ياك هو يحرق معروف عليه هاد الشي في بالي انا راني نستنى البكا و الزقا و الحس ساعة والو ما سمعت والو حتى قلتله خويا ماراهش يحرقك؟ هو انخلع بقى غير يشوف فيا و يقول في خاطره واش راه يقوليها راسها و حتى صحاباتي و صحابه تزربعو عليا بالضحك و علابالكم انا ما جابليش خاطري راهم يضحكو عليا مين كملتله و راح عاد باش خبروني صحاباتي

[naima01مشرفة قسم أطلق العنان لقلمك]

والله ضحكتيني . شابه هذي

[naima01مشرفة قسم أطلق العنان لقلمك]

انا في عامي الاول مدولي stage fi clinique . وتعلمت كيفاش ندير حقن عضلي . عادي جاتني اسهل حاجة في بداية . وكانت ممرضة الي ثم بدات تتكل عليا وتروح وتخليني
مرة جات وحدة عندها extencillin. ومكاننش علبالي بلي تجمد . رحت وجدتها وبانتلي anormal
وصقساتني هذيك اذا مضارية نضربها قلتلها من حشمة ايه . وانا مديرتهاش كامل . كضربتهالها محبتش تفوت
بدات هذيك malade . تزعف عليا وانا خفت كاش مدرت . بصح من بعد جات infirmiere , ووجدتها
alcool benzetique . و ضربتهالها . وانا من هذاك الوقت لحد الان كتجي كاش وحدة عندها extencillin منديرهالهاش .

[ملائكة الرحمةمشرفة]

ههههههههههههه معليش نعيمة من اخطائنا نتعلمو لوكان جا كل واحد يعلط ما يعاودش كن رراها الناس ماتت بصح قولي الصح ماشي درس اديتيه و قعدلك في بالك؟

[naima01مشرفة قسم أطلق العنان لقلمك]

في حق كاين بزاف مواقف فاتو علينا . اتعلمناهم في الاول. حوايج الي كانو يزعفوني بزاف . المرضي مكانوش بزاف الي يخلونا نتعلمو فيهم . يقولو اه انت stagiere . كنت نتنشع من هذا الكلام . بصح ضرك
كنتفكر نولي نضحك.
ودرس الي لازم تتعلموه مديروش حاجة حتي تسقسو مليح . وتكون متاكدين .
مرة في مصلحة استعجالات . وثاني كنت تربص . خلطت azantac مع volterene. وكنت رايحة نديرهمiv. بصح كدارولي رغوة هبتهم . رحت سقسيت ممرض قالي volterene تندار غير im . ارميها . هذي ثاني من اغرب واش صرالي . بصح مزيه وسقسيت . المهم اي حاجة غريبة عليكم . متتسرعوش فيها . متضحكوش عليا

[ملائكة الرحمةمشرفة]

لا لا كيفاش نضحكو عليك قاع رانا نتعلمو مادامنا نخدمو في هاد المجال ربي يجيب الخير و يسترها معانا خاطر هادي اروح ناس ماشي الزعاقة

[naima01مشرفة قسم أطلق العنان لقلمك]

اكيد . علي هذا لازم نكوم حضرين في تعامل مع الادوية